Главниот американски стручњак за инфективни болести Ентони Фаучи, не се согласува со Трамп

Главниот американски стручњак за инфективни болести Ентони Фаучи изјави дека не се согласува со проценката на претседателот Доналд Трамп дека САД поминале низ најлошото ниво со пандемијата на коронавирусот, велејќи дека статистичките податоци се вознемирувачки.

Фаучи, кој е директор на Националниот институт за алергија и заразни болести, изјави  дека сезоната на грип во Соединетите држави започнува со околу 40.000 нови случаи на ден, а бројот на смртни случаи во просек е околу 1.000 на ден, пренесува АП.
Според Трамп, кризата во САД поминува.

„Не се согласувам со тоа, затоа што ако ја погледнете статистиката … таа е вознемирувачка“, изјави Фаучи за MSNBC.

Според него важно е да се намали стапката на инфекција пред есенската и зимската сезона кога луѓето ќе поминуваат повеќе време во затворени простории.

Запрашан за собирите на отворено, Фаучи изјави дека тие се „апсолутно“ ризични.
„Само затоа што сте на отворено, не значи дека сте заштитени, особено ако сте опкружени со многу луѓе и не носите маска“, рече Фаучи.

Извор: АП