31.000 доброволци подготвени за последното тестирање на вакцината во Русија

Во Русија, 31.000 волонтери се пријавија да учествуваат во третата фаза на клиничките испитувања на вакцината против коронавирусот наречена „Спутник 5“, изјави рускиот министер за здравство, Михаил Мурашков.

„Од вкупно 40.000 волонтери што ни се потребни, за само 10 дена се пријавија 31.000 лица“, изјави Мурашков.

На почетокот на август, министерот Мурашков објави дека третата фаза од клиничките испитувања на вакцината „Спутник 5“ ќе започне на 9 септември.

На 11 август Русија беше првата земја во светот што регистрираше вакцина против коронавирусот.

Извор: Танјуг

С.С.