Дали станувате рано или сте ноќна птица? Проверете каква врска има тоа со вашата интелигенција и работа

 

Дали станувате рано и лежите или сте ноќна птица која доцна си легнува и наутро не
брза да стане?

„Ноќните типови се повеќе екстровертни и покреативни, тие се поети, пронаоѓачи или
уметници, додека утринските типови се често службеници или сметководители“,
објаснува професорот по психофизиологија Џим Хорн.

Истражувачите од Универзитетот во Мадрид тестирале 1.000 тинејџери, со различни
навики на станување, и се покажало дека ноќните птици постигнуваат многу подобри
резултати во тестовите за интелигенција отколку оние кои стануваат рано.

Студијата на Универзитетот во Лиеж се занимавала со однесувањето на оние кои
стануваат рано и ноќните прици час и половина откако ќе станат и 10 часа откако ќе се
разбудат.

 

Резултатите за час и половина откако ќе станат се исти за двете категории. Сепак, 10
часа по будењето, ситуацијата драстично се менува и ноќните птици многу побрзо ги
решиле тестовите за интелигенција.

Интересни се и податоците собрани од истражувачи од Универзитетот во Саутемптон.
Анкетирани се 1.229 мажи и жени, и тоа покажува дека луѓето кои легнувале после 23
часот и станувале после 8 часот наутро имале подобра работа, повисоки плати и биле
посреќни од оние кои стануваат порано.

Сепак, предолгото спиење не е добро за здравјето, а истражувањата докажуваат дека
луѓето кои спијат 12 или повеќе часа на ден имаат најголем ризик од срцеви
заболувања. Најмал ризик имаат оние кои спијат по 8 часа.

Извор: Objektiv.rs

С.С.