Зошто некои луѓе не се дебелеат иако јадат колку сакаат и што сакаат
После серија студиии и истражувања, научници дошле до сознание зошто некои луѓе не се дебелаат воопшто, дури и кога јадат многу. Се покажало дека овие тенки „среќници“ имаат одредена генетска мутација.
Научниците експериментирале две групи на луѓе. Едната вклучувала слаби учесници кои не губеле ниту добивале на тежина, дури и кога специјално за експериментот почнале да јадат повеќе, вклучително повеќе брза храна, и втора група – оние чија тежина се зголемила како резултат на навиките во исхраната и се здебелиле со промената на начинот на исхрана. пишува Cell. Кога научниците ја споредиле ДНК-та на двете категории, воочено е дека кај првата категорија постои уникатна мутација во генот ALK, кој се наоѓал во „заспана“ состојба.
Овој ген се активира во клетките на мозокот. Неговата активност се поврзува со побавни метаболички процеси кои влијаат на зголемување на обемот во пределот на половината, зголемување на холестеролот и нивото на шеќер во крвта.
Научниците спровеле тестови на глодари, на кои вештачки го „исклучувале“ ALK-генот, тогаш, обратно, ја намалувале неговата активност. Кога успешно ќе го деактивирале генот, метаболизмот се забрзувал. Тогаш мастите во телото се трошеле многу поинтензивно, дури и во состојба на мирување. Истражувачите овој ефект го припишуваат на фактот дека оневозможувањето на ALK-генот доведува до зголемување на концентрацијата на хормонот на стрес во масното ткиво.
Научниците работат интензивно со намера да ги користат овие податоци за да развијат технологија која ќе биде ефикасна во борбата против дебелината.
