(ВИДЕО) Кен Блок загина во несреќа со моторна санка
Професионалниот рели возач Кен Блок, кој подоцна стана интернет сензација со неговите смели акробации зад воланот, почина на 55-годишна возраст по несреќа со моторна санка, соопшти неговиот тим Хуниган Рејсинг.
„Со наше длабоко жалење можеме да потврдиме дека Кен Блок почина во несреќа со моторна санка денес“, напиша Хуниган во изјавата на Инстаграм.
“Кен беше визионер, пионер и икона. И што е најважно, татко и сопруг. Премногу ќе недостасува”.
Несреќата се случила во округот Васач во Јута, а Канцеларијата на шерифот соопшти дека Блок возел по стрмна падина кога моторната санка се превртела и слетала врз него.
„Од повредите здобиени во несреќата е прогласен за починат на местото на настанот“, се вели во соопштението и се додава дека се возел во група, но бил сам кога се случила несреќата.
Откако ја започна својата рели кариера во 2005 година, Блок беше прогласен за дебитант на годината во првенството на рели Америка. Тој се натпреваруваше во Светското првенство во рели и освои неколку медали во реликрос на X Games.
