Концерт на класична музика на француско-македонското дуо SopliPse и сопранистката Гонца Богоромова Краповски

Француско-македонското дуо SopliPse има чест ве покани на концерт на класична
музика, насловен „Сон во сон“, што ќе се одржи в среда, 4 мај 2022, во 20
часот, во Камерната сала на Македонската филхармонија.

На концертот ќе настапат сопранистката Гонца Богоморова Краповска и дуото
SoliPse, во состав Елена Стојческа на флејта и Ромен Петио на гитара.

Предвидена е модерна музичка програма, во рамките на која ќе биде изведено
оригиналното дело Океан во капка на македонската композиторка Дарија Андовска,
специјално компонирано за овој концерт.

Во оваа прилика, за првпат ќе бидат изведени и две македонски традиционални
композиции, преработени повторно од Дарија Андовска.

Освен дела за дуо и за соло изведба, ќе бидат изведени и три француски дела:
Две поеми од Ронсар на Албер Русел, извонредното дело Самогласки за соло флејта
на Софи Лаказ, инспирирано од поема на Артур Рембо, и Мирот почива во пустина
на Жан-Кристоф Роза.

Популарната Петта Арија од серијата арии Бахијана Бразилерас на Вила-Лобос ќе
биде изведена во нејзината оригинална верзија за вокал и гитара.

Италијанскиот композитор Масимилијано Месиери, чие дело Сон во сон ќе биде
изведено на концертот, ќе биде присутен на настанот.

Влезот е слободен.

Концертот се организира со поддршка на Министерството за култура на Северна
Македонија и Францускиот институт во Скопје.

ДУО SOPLIPSE (СОЛИПС) 

Елена Стојческа (флејта) и Ромен Петио (гитара)

Дуото СолиПс (SoliPse) е формирано во 2011 година и е составено од македонската  флејтистка Елена Стојческа и францускиот гитарист Ромен Петио. 

Двајцата музичари имаат меѓународна кариера и како дуо настапувале на фестивалите  „Охридско лето“ и „Денови на македонската музика“, потоа на „Сараевска зима“ во Босна,  „Маскфест“ во Сан Марино, „Форфест“ во Кромежиж во Република Чешка. Учествувале и на  фестивалот „Сагона“, фестивалот „Ароманш“, на „Неделата на класична музика“ во Лавоар, Франција, потоа во Музејот Скрјабин во Москва, во Кралскиот музеј за ликовни уметности во  Брисел итн. 

Овој музички состав флејта/гитара покажува наклонетост кон репертоарите од 20-от  и 21-от век и имаат за цел да промовираат современи композитори, како Доина Ротару,  Масимилијано Месиери, Тору Такемицу, Винсент Еро, Лоранс Шер или Едисон Денисов.

ЕЛЕНА СТОЈЧЕСКА, ФЛЕЈТА 

Македонската флејтистка Елена Стојческа е лауретка на повеќе меѓународни  натпревари, како што се „АудиМоцарт“, „Гастон Крунел / Лисјен Вурмсер“, на Европскиот  музички натпревар, на натпреварот„Бифе-Крампон“, како и на неколку македонски музички  натпревари. 

Има настапувано како солистка со Симфонискиот оркестар на Болзано и Тренто, со  Македонската Филхармонија, со Филхармонијата Пол Куенц, со Филхармонијата на Оверњ со  Филхармонијата на Баку. 

Настапувала на фестивали во Франција, Италија, Белгија, Хрватска, Луксембург,  Англија, како и на домашните фестивали „Охридско лето“ и „Скопско лето“. 

Таа студирала во класата на професорите Пјер-Ив Арто, Питер Лукас Граф, Пјер Думај и  Венсан Лика. Била стипендистка на француската влада, на македонското Министерството за  култура, на Градот Париз и на Фондацијата Алберт Русел. 

Елена Стојческа води работилници и мастер класови во Северна Македонија и во  Франција. Држи часови по флејта на парискиот Конзерваториум „В.А. Моцарт“ и на  Конзреваториумот во Ливри-Гарган, институција со која раководи од јуни 2020 година.

РОМЕН ПЕТИО (ROMAIN PETIOT), ГИТАРА 

Францускиот гитаристот Ромен Петио настапувал како солист и со камерни состави во  Франција, Италија, Северна Македонија, Португалија, Русија, Чешка, Белгија, Босна и  Херцеговина и Шпанија.  

Учествувал на повеќе изданија на Есенскиот музички фестивал во Шателро, на  фестивалот „Охридско лето“, на фестивалот „Форфест“, на „Маскфест“ во Сан Марино, на  „Сараевска зима“, во музејот Скрјабин во Москва, на Фестивалот Сагона итн. 

Има освоено трета награда на меѓународниот натпревар за гитара „Гитарманија“ 2011  во Алмада, Португалија, и четврта награда на натпреварот „Гитар арт фестивал“ во Белград,  Србија.  

Изведува современи дела за соло гитара и за флејта и гитара од Масимилијано  Месиери, Јан Вркоч, Рафаеле Занебони и Лоранс Шер.  

Дипломирал на париската Музичка школа „Алфред Корто“, а следел часови во класите  на професорите Себастијен Кабрие, Алберто Понс и Жидикаел Пероа. 

Ромен Петио предава гитара на Конзерваториумот во Лај-ле-Роз, Франција, и на  Конзерваториумот „В.А. Моцарт“ во Париз.