Иницијална средба на проектот ‘‘Грижи се‘‘

November 17, 2021November 17, 2021 admin 0 Comments

Проектот ”Грижи се” е поддржан од меѓународната програма на Сојузното министерство за социјални работи, здравство, грижа и заштита на потрошувачите на Република Австрија, и тој обезбедува директна поддршка на најранливите категории во справување со влијанието на кризата, предизвикана од пандемијата од КОВИД-19. Главен акцент е ставен на ромската популација, бездомниците, жените и лицата во социјален ризик во земјите од Западен Балкан. Проектот е на регионално ниво, и во него се вклучени четири земји, меѓу кои е и Р.С. Македонија. Во нашата држава, проектот го имплементираат Хуманитарно добротворната фондација МАКЕДОНСКИ КАРИТАС – Скопје, Асоцијацијата за Демократски развој на Ромите СОНЦЕ – Тетово и Здружението на граѓани за помош на бездомници, социјално загрозени семејства и поединци ЉУБЕЗНОСТ – Скопје.

Иницијалната средба ќе се одржи онлајн на платформата ЗООМ, во четврток, 18- ти ноември од 11:00 до 12:30 часот.

Во проектот се опфатени активности кои се однесуваат на: обезбедување домување на бездомни лица, обуки/работилници за животни вештини, психо-социјална поддршка за ранливите категории, стручно советување, образовна асистенција на деца од основно образование, посети на домови, обезбедување на правна, медицинска помош, поддршка при обезбедување на социјални трансфери, остварување на правата од областа на социјалната и здравствената заштита на корисниците. Дополнително, во проектот ќе се пилотира активноста за асистенција при отварање на банкарски сметки и финансиска писменост на бездомните семејства.

На настанот се поканети претставници од Амбасадата на Република Австрија, Сојузното Министерство за социјални работи, здравство, грижа и заштита на потрошувачите на Република Австрија, Каритас Австрија, претставници на јавните и државните институции од клучните области на делување, претставници на граѓанскиот сектор, приватни компании, претставници на локалните самоуправи од целните општини. Во контекст на програмските проектни активности, за работата на терен, досегашните постигнувањата, предизвиците при работата, ќе стане збор на самиот настан.

Најавете го Вашето присуство на следниот мејл:

makedonski.karitas@gmail.com за да Ви испратиме линк за вклучување на настанот.

Лица за контакт: Спасе Спасов (Македонски Каритас) makedonski.karitas@gmail.com Маргита Стојановиќ (Сонце) m.stojanovik@sonce.org.mk

Весна Станковска (Љубезност) vesnastankovska@gmail.com

Агенда

18 Ноември 2021 (четврток), 11.00-12.30 часот преку платформата zoom

11.00-11.30

Воведни обраќања

Дон Паво Шекерија, Директор на Хуманитарнo добротворна фондација Македонски Каритас

Г-дин Тони Станковски, Претседател на Здружение на граѓани за помош на бездомници, социјално загрозени семејства и поединци Љубезност- Скопје

Г-дин Ферди Исмаили, Извршен директор на Асоцијација за Демократски Развој на Ромите СОНЦЕ

Важноста на регионалната програма „Справување со влијанието на COVID-19 кризата“ во земјите од Западен Балкан (АЛБ, БиХ, МКД, СРБ)

Г-дин Харалд Фугер, Аташе на Австрија за социјални работи, здравство, нега и заштита на потрошувачите за Северна Македонија, Федерално министерство на Република Австрија за социјални работи, здравство, нега и заштита на потрошувачите

Г-дин Андреас Кнапп, Генерален секретар, Каритас Австрија

Важноста на проектот Грижи се за Р.С.Македонија

Спасе Спасов, Проектен менаџер “Грижи се”

Модератори: Спасе Спасов, Македонски Каритас

Маргита Стојановиќ, Асоцијација за Демократски Развој на Ромите СОНЦЕ

11.30-11.45

Преставување на активностите на проектот, цели, очекувани резултати, целни корисници и напредок на проектот (презентација)

Димитар Илчов, Проектен асистент, Љубезност- Скопје

11.45-12.00

Искуства од теренска работа (кратка презентација на случаи)

Членови на стручните тимови на проектните партнери

12.00- 12.10 12.10-12.30