Познатиот актер од серијата ПРИЈАТЕЛИ почина на 59 годишна возраст

Американскиот актер Џејмс Мајкл Тајлер, кој го глумеше Гантер во ТВ серијата „Пријатели“, почина на 59-годишна возраст.

Тајлер почина мирно во својот дом во Лос Анџелес во неделата наутро, се вели во соопштението на неговиот менаџер.

„Ако сте го запознале еднаш, сте стекнале пријател за цел живот“, се вели за него. „Тој ја остави неговата сопруга, Џенифер Карно, љубовта на неговиот живот“.

На Тајлер во 2018 година му беше дијагностициран напреднат рак на простата, кој подоцна се прошири на неговите коски.

Сакајќи да им помогне на што повеќе луѓе, тој храбро ја сподели својата приказна и стана поборник за оние со рак на простата да направат тест на крвта уште на 40-годишна возраст“, ​​рече неговиот менаџер.

Во мај, Тајлер кратко се појави на специјалното издание на FRIENDS REUNION онлајн преку Зум.

Повеќе тука