„Лето без пожари“ – превентивна активност на СВР Скопје

Одделението за превенција при СВР Скопје во соработка со Јавното претпријатие „Национални шуми“ како и Шумска полиција, денеска (15.06.) спроведе превентивно едукативна кампања под мотото – „Лето без пожари“. Едукативно превентивната активност се спроведе на подрачјето на Полициското одделение Петровец, односно на наплатна рампа Миладиновци.

Основна цел на проектот е зголемување на безбедносната култура кај граѓаните, како и зајакнување на довербата и соработката помеѓу полицијата и граѓаните. Имено, за време на активноста беше посочено на зачестеното палење на шумите при правење на скара, фрлање на отпушоци, и воопшто за ризиците од предизвикување на пожари од невнимание.

Притоа, на возачите им беа поделени летоци со едукативни содржини и препораки со цел подигање на безбедносната свест.