УХМР со предупредување. Пороен дожд, електрични празнења, силен ветер и услови за град

05.08.2023

Денес ќе дува умерен до засилен јужен и југоисточен ветер. Под влијание на атмосферски фронт во попладневните и ноќните часови ќе биде нестабилно со пороен дожд и грмежи, наместа во форма на невреме со интензивен дожд за кратко време (над 20 л/м2 за 6 часа), силен ветер, поинтензивни електрични празнења и услови за појава на град.

Претпладне сончево и многу топло со умерен до засилен ветер од јужен правец. Попладне и во ноќните часови почнувајќи од запад облачноста ќе се зголемува и ќе биде нестабилно со пороен дожд и грмежи. Наместа процесите ќе бидат во форма на невреме со интензивен пороен дожд за кратко време (над 20 l/m2 за 6 часа), силен ветер, поинтензивни електрични празнења и услови за појава на град. Максималната температура ќе биде во интервал од 31 до 38 степени. UV=8

Времето и метеоролошки параметри за Скопје: Претпладне сончево и многу топло со засилен југоисточен ветер. Попладне и во вечерните часови облачноста ќе се зголеми и ќе биде нестабилно со пороен дожд, грмежи и силен ветер, во делови од котлината во форма на невреме и услови за појава на град. T= 37 °C, P= 966 hPa, U= 30 %, V= 8 m/s.
(Т- температура, P- притисок, U- релативна влажност, V- средна брзина на ветер)