Поставени околу 100 заштитни столпчиња на булеварот Трета македонска бригада

Екипите на ЈП Улици и патишта по налог на Град Скопје деновиве поставуваат
заштитни столпчиња на булеварот Трета македонска бригада. Столпчињата се
поставуваат за да се спречи непрописното паркирање на возилата по пешачките и
по велосипедските патеки, како и на влезовите од околните улици.
Досега се поставени околу 100-тина заштитни столпчиња на пешачките островца и
на влезовите од приклучните улици на булеварот Трета македонска бригада, како и
во насока кон улицата Васко Карангелевски.
Според планот за работа, екипите на ЈП Улици и патишта и во наредниот период
ќе продолжат да поставуваат заштитни столпчиња по должината на булеварот на
сите места каде што ќе има потреба за да се зголеми безбедноста на сите
учесници во сообраќајот.