ВК Енерџи – осми помеѓу светската маунтинбајк елита

Дуња Иванова и Љубиша Кондев на осмата позиција во генералниот пласман и со
вкупно време од 15 часа 52 минути се вброија помеѓу годинешните освојувачи
на престижната етапна трка ,,4 Острови” во Р.Хрватска. Со вкупно 34 тимови
во категоријата мешани парови, претставниците на ВК Енерџи во пет
последователни денови се натпреваруваа изминувајќи 72 километри и 5890
метри искачување во променливи временски услови и особено немилосрдни
патеки на островите Крк, Раб, Црес и Лошињ. Со натпреварувачи од сите
континенти на светот помеѓу кои и епските легенди Ханс Бекинг, Џаспер
Лефевр, Карстен Селбах, Даниела Ребхан, претставниците на единствениот
македонски тим храбро и подготвено заокружија уште еден успех за историјата
на маунтинбајкот во РС Македонија.

,,4 Острови” е етапна трка од прва категорија која оваа година од 19ти до
24ти април за прв пат се одржа под премиум брендот на Епик натпревари.