ЕГЗИТ лансира НФТ колекција со ѕвездата на Денс Аренa

ЕГЗИТ фестивалот и еден од водечките продуценти на електронската музика Масео Плекс ќе лансираат специјална „НФТ“ колекција за време на „Тумороу“ (Tomorrow) конференцијата, која ќе биде одржана од 13 до 15 мај во Белград. Колекцијата ќе биде претставена на 14 мај на панел-дискусија на која покрај Масео Плекс ќе говори и Мариа Меј, агентката на Дејвид Гета и други големи светски изведувачи, како и основачот на Егзит, Душан Ковачевиќ, кој неодамна беше прогласен за еден од највлијателните луѓе во музичката и манифестациската индустрија во Европа. Таа вечер, на истата локација ќе бида одржана и ексклузивна забава која ќе ја предводи Масео Плекс.

Покрај колекцијата со Масео Плекс која ќе биде насловена „Сенки“ (SHADES), Егзит ќе ги претстави и: колекцијата „Слушалки“ (HEADPHONES) која го носи и првото лого на Егзит од 2001 година но овој пат во 3Д верзија, подарок-колекцијата „Племе“ (TRIBE) наменета за првите членови на Егзит Дискорд заедницата, како и колекцијата „Крилја“ (WINGS) креирана во соработка со Кристина Кармела, јужноафриканската пилотка и активистка за правата на жените во авијацијата.

Во согласност со филозофијата на Егзит дека искуствата во живо се незаменливи, главната карактеристика на оваа НФТ колекција е мултидимензионалноста, па покрај можноста за користење 3Д слушалки, очила и крилја во новиот дигитален универзум, оваа колекција со себе ги носи и некои од најдобрите „живи“ фестивалски искуства. Сопствениците на оваа НФТ дигитална уметност на Егзит, ќе имаат прилика да го доживеат самиот Фестивал како ретко кој до сега, со ексклузиви како пристап до бината на Денс Арена, дружење со светските ѕвезди, тајни забави на скришни локации на Тврдината и бројни други изненадувања меѓу кои се и онлајн настапи на Масео Плекс и други светски ѕвезди на нивните приватни забави.

Сите информации за НФТ колекциите на Егзит, купувањето и сите други детали, се достапни на официјалната НФТ страница на Егзит.