РКЕ одлучи. Од полноќ дизелот поскапува

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното
масло за домаќинство (ЕЛ-1), не се менуваат, односно остануваат на исто ниво како што биле утврдени
со одлуката за утврдување на највисоки малопродажни цени на нафтените деривати и горива за
транспорт од 24.03.2022 година и со тоа малопродажната цена на ЕУРОСУПЕР БС-95 изнесува 82,00
ден/лит, малопродажната цена на ЕУРОСУПЕР БС-98 изнесува 84,00 ден/лит, додека малопродажната цена
на Екстра лесното масло за домаќинство (ЕЛ-1) изнесува 81,00 ден/лит.
Малопродажната цена на ЕУРОДИЗЕЛ (Д-Е V), се зголемува за 2,00 ден/лит, во однос на
малопродажната цена утврдена со одлуката за утврдување на највисоки малопродажни цени на
нафтените деривати и горива за транспорт од 24.03.2022 година и со тоа малопродажната цена на
ЕУРОДИЗЕЛ (Д-Е V) изнесува 86,00 ден/лит.
Малопродажната цена на Мазутот М-1 НС, се зголемува за 1,044 ден/кг, во однос на
малопродажната цена утврдена со одлуката за утврдување на највисоки малопродажни цени на
нафтените деривати и горива за транспорт од 24.03.2022 година и со тоа Мазутот М-1 НС изнесува 56,207
ден/кг.