ЈПКХС ПРОДОЛЖУВА СО АКТИВНОСТИТЕ ЗА ЧИСТЕЊЕ НА О.КИСЕЛА ВОДА

Градот Скопје на 21 март ја започна акцијата за пролетно генерално чистење
на скопската општина Кисела Вода во којашто учествува ЈП Комунална
хигиена-Скопје, како и сите останати јавни градски претпријатија.
Акцијата ќе трае до 27 март, а во нејзините рамки ЈП Комунална хигиена-Скопје
секојдневно спроведува активности за рачно и машинско метење и миење на
булеварите и улиците во оваа скопска општина. Воедно се мијат и
дезинфицираат сите садови за одлагање комунален отпад поставени на јавни
површини, вклучително со нивните микролокации.
ЈП Комунална хигиена-Скопје на четири локации постави специјални садови во
коишто жителите на општината Кисела Вода го одлагаат својот кабаст отпад
што по завршувањето на акцијата ќе биде подигнат и транспортиран од страна
на екипите на Претпријатието. Досега се одложени приближно 45 кубни метри
кабаст отпад.
Пролетната работна акција на Градот Скопје и јавните претпријатија ќе
продолжи да се реализира во сите скопски општини, а следната општина на
ред е општината Карпош каде што активностите ќе траат од 28 март до 1
април.