Пролетна акција за средување и чистење на скопските општини

Големата пролетна акција за средување и чистење на скопските
општини која започна на 21.3.2022г. во организација на Град Скопје, а во
координација со градските јавните претпријатија, се одвива согласно
предвидените планирани активности. Иницијативата за оваа акција е само
дел од целите кои се приоритет на Градот Скопје, во соработка со јавните
претпријатија за чисти и уредени градски средини, а со тоа овозможувајќи
реализирање и на голем број барања од страна на граѓаните.
Започнувајќи од општина Кисела Вода изминативе три дена, акцијата се
одвива тековно, каде екипи од нашето претпријатие работат на собирање на
лисја, косење на тревниците, собирање на искосот, кроење на грмушки,
чистење на зелените површини од отпадоци и смет, а се изврши и кастрење и
сечење на дрвја по издадени Решенија од страна на Град Скопје.
Активностите се одвиваат редоследно, согласно утврдената програма за
работа и досега се интервенираше на: Бул. „ Борис Трајковски “ – потег од
рампа до раскрсница со бул. „Србија“ каде се изврши кастрење на 33 дрвја и
сечење на 7 дрвја по Решение, косење на зеленилото долж булеварот,
собирање на лист, правење на рабници, кроење на грмушки и рози и
расчистување на теренот. Ангажирани се 30 работници, 3 камиони и 2 дигалки.
На ул. „ Јустинијан Први“ – се завршија две Решенија, исечени се 20 тополи
(Populus) како и едно Решение во ООУ Св. „ Климент Охридски“ каде се
исечени 5 дрвја и се изврши кастрење на 10 дрвја во зеленилото кое го
одржува претпријатието. Исто така, на оваа улица екипите извршија косење на
зеленилото долж улицата, собирање на лист, правење на рабници, кроење на
грмушки и рози, како и расчистување на теренот. Активностите се реализираа
со 30 работници, 3 камиони и 1 дигалка. На ул. „Михаил Чаков“ – завршени се
три Решенија исечени се 3 дрвја и 22 се искастрени, а се работеше и на косење на зеленилото долж улицата и околу зградите, собирање на лист,
правење на рабници, кроење на грмушки и рози, расчистување на теренот, со
ангажирање на вкупно 30 работници, 3 камиони (еден камион од ЈП Комунална
хигиена) и 1 дигалка.
Во склоп на акцијата до крајот на неделата ќе се изврши средување на јавните
зелени површини на ул. Христо Татарчев и на ул. Павел Шатев.