Доброволно крводарителство со цел да се мотивираат што поголем број на луѓе

Црвен крст на Република Македонија на 17 Март одбележа 77 години од
своето постоење, но 17 Март е и Ден на крводарителството во РМ.

Доброволното крводарителство во нашата земја има за цел да се мотивираат што
поголем број на луѓе доброволно да даруваат крв која е неопходна за лекување на
болните и повредените. Крводарителството ги развива особините на хуманост и
солидарност и има воспитно значење кај граѓаните, а особено кај младите,
придонесува за подигнување на нивото на здравствената култура и јавната свест.

По повод Ден на крводарителството во РМ, Црвен крст на РМ  на ден 24 Март
2022 година (четврток) со почеток 13:00 часот во х. DoubleTree by Hilton –
Скопје организира свечен настан.

На настанот ќе присуствуваат Претседателот на Црвениот крст на РМ проф. д-р
Ромел Велев, Генералниот секретар на Црвен крст на РМ д-р Саит Саити и
Министерот за здравство Д-р. Беким Сали.

Во знак на благодарност Министерот за здравство Д-р. Беким Сали ќе ги врачи 
признанијата на 16 општински организации на Црвениот крст кој го исполнија
планот за крводарувањето во 2021 година.