EXIT го комплетира No Sleep фестивалот со техно ѕвездата Stephan Bodzin и уште 20 изведувачи!
На претходно најавената Нина Кравиц во програмата за „Но Слип“ (No Sleep) Фестивалот се придружуваат техно суперѕвездата Стефан Бодзин (Stephan Bodzin) и тоа со двочасовен настап во живо и со продукција во каква не сме го виделе досега, како и уште 20 нови изведувачи! На официјално Најдобриот нов европски фестивал, кој на 8 и 9 април ќе го заземе хангарот „Матрез“ во белградското пристаниште на Дунав, пристигнуваат и посакуваното италијанско дуо „Агентс оф Тајм“ (Agents Of Time), универзално омилениот Диџеј Тенис, португалската ѕвезда во подем Луна Семара, талентираниот резидент на „Прогресивна Суза“ Лукаи, како и регионалните а меѓународно етаблирани диск-џокеи Тијана Т и Кристијан Молнар, кои ќе застанат покрај веќе објавените техно легенди какви што се „Дивиес Уан“ (DVS1) и Диџеј Боун (DJ Bone)!
Стефан Бодзин својот статус на техно суперѕвезда уште еднаш го потврди со новиот албум „Boavista“! Инспириран од неодамнешното преселување во Португалија, германскиот маестро со своите аналогни синтисајзери и ритам-машини, изнедри студиско дело кое светската сцена го чекаше полни шест години! Оттаму и не изненадуваат реакциите на публиката и медиумите кои веќе го прогласија за албум на годината, а универзалната љубов кон Бодзин беше дополнително крунисана и со двојното издание на ремикси кои ги потпишаа имињата од комплетната светска А-листа како што се Соломун, Борис Брејча, Масео Плекс, Хернан Катанео, ѕвездите во подем Анфиса Летјаго, Реинер Зонефелд, Луна Семара, како и низа други.
Истата вечер настапуваат и Agents Of Time, италијанското дуо кое вистински царува со мелодичното техно. Од дебито со „Polina“ од 2014 година до денеска тие се развија во едни од предводниците на жанрот покрај „Тејл оф ас“ и „АРТБАТ“.
За големото финале во белградското пристаниште годинава е задолжен Диџеј Тенис, апсолутната легенда на светската сцена и горд сопственик на култната етикета „Life & Death“. Специјално за оваа пригода, нему ќе му се придружи бардот на регионалната сцена Кристијан Молнар, за во заеднички бек-ту-бек настап да ја заокружат своевидната прослава на титулата Најдобар нов европски фестивал, која „No Sleep Festival“ ја освои пред почетокот на двегодишната пандемиска пауза.
Комплетирана е програмата и за белградскиот клуб „Драгстор“ (Drugstore), во кој пристигнува францускиот прогресив хаус шампион Себастиан Леже (Sébastien Léger), потоа Даниела Да Силва, СУМИА (SUMIA) и Хјуман Риас (Human Rias). За трап журката во овој клуб на благајните нема да има доволно влезници бидејќи доаѓаат Црни Церак, Лацку, Спејс Нокси, Кене Бери, там, Раде ХО и Диџеј Мицубиши!
Пролетното издание на фестивалот, кое се одржува во продукција на тимот на ЕГЗИТ Фестивалот и со поддршка на домашниот бренд „Гуарана“, зазема посебно место на регионалната музичка сцена, како и во срцата на љубителите на електронската музика, бидејќи конечно ја носи прославата на престижната титула за Најдобар нов фестивал на Европските фестивалски награди, од доделувањето во 2020 година!
Актуелната промотивна цена на стандардните дводневни влезници за No Sleep 2022, која изнесува 2.290 српски динари и е со заштеда од 40%, ќе важи најдоцна до четврток, 10 март, или порано доколку се распродадат залихите. Залихите на дводневните ВИП влезници, чија цена сега е со заштеда од 20%, ќе бидат наскоро распродадени. Влезниците може да се купат преку официјалната страница на No Sleep фестивалот. Повеќе информации за важењето и рефундацијата на влезниците купени за No Sleep till EXIT 2020 достапни се на веб-страницата на фестивалот. Епидемиолошките мерки за влез во хангарот Матрез и клубот Драгстор ќе бидат објавени непосредно пред фестивалот и ќе бидат во согласност со актуелните правила во тој момент.
