ЈП ЛАЈКА СО ОБУКИ ЗА МАНАЏИРАЊЕ НА ПРИФАТИЛИШТЕ И СПРОВЕДУВАЊЕ ТЕСТ ЗА СОЦИЈАЛИЗАЦИЈА

ЈП Лајка Скопје во рамките на своите тековни активности вклучува и обуки
за едукација на своите вработени и континуирано надградување на знаењата
на кадрите кои се безусловни љубители на животни.

Денес, на вториот ден од обуките водени од страна на стручниот експерт
Brian Faulkner претставник на RSPCA (Кралското здружение за спречување
на суровост врз животните), вработени лица од ЈП ЛАЈКА заедно со
предложени ветеринари од Ветеринарната комора имаат прилика да уживаат
во неговите предавања преку кои несебично го пренесува своето знаење и
долгогодишно искуство од областа на менаџирање на прифатилиште и
спроведување тест за социјализација на кучиња.

Овие обуки кои ќе траат до 24-ви февруари се дел од низата активности
кои имаат за цел не само едукација на кадарот во ЈП ЛАЈКА, туку
остварување и градење успешна понатамошна соработка со Ветеринарната
комора на РМ.