УЧЕНИЦИТЕ ОД „Ј.Х.ПЕСТАЛОЦИ“ ГО ПОСЕТИЈА ЦЕНТАРОТ ЗА СЕЛЕКЦИЈА НА ОТПАДОТ ВО КАРПОШ

Во текот на денешниот ден, триесетина ученици од четвртите одделенија при
ООУ „Јохан Хајнрих-Песталоци“ од скопската општина Центар, го посетија
Центарот за селекција на отпадот во Карпош.
Стручните служби на ЈП Комунална хигиена-Скопје ги запознаа учениците со
работата и активностите на Претпријатието и преку забавни и едукативни игри
ги едуцираа како правилно и совесно да постапуваат со отпадот, на кој начин
се врши неговата примарна селекција и како се одвива процесот на балирање
во Центарот за селекција на отпадот.
„ЈП Комунална хигиена-Скопје ќе продолжи да ги реализира своите едукативни
активности во чиишто рамки се организираат еко-предавања и работилници во
скопските основни и средни училишта, како и во предучилишните установи.
Примарната цел на овие активности е развивањето еколошка свест кај
најмладите за нивната улога во одржувањето на здрава и чиста животна
средина.“- изјави директорот на ЈП Комунална хигиена-Скопје, Зухди Енуз.