Меѓународната манифестација „Ноќ на идеите“ 2022 во Скопје на тема „Што по пандемијата?“

Францускиот институт во Скопје го организира седмото издание на меѓународната
манифестација „Ноќ на идеите“ 2022, в петок, 18 февруари 2022, со почеток во 19
часот, во Europe House Skopje и на Zoom.

Овогодишното издание го носи насловот „Што по пандемијата?“, а целта е да се
проговори за обновата на општествата соочени со комплексните предизвици во
време на пандемија.

Главните прашања на кои ќе треба да одговорат панелистите се:

Кои поуки може да се извлечат од големата пандемија што го погоди светот?
Каква визија може да се има денес за иднината?
Како да се реобмисли животот по овие долги периоди на неизвесност и
затвореност?

Учесници на научната средба се:

– г-дин Пјер Касу-Ногес, француски филозоф, професор на Универзитетот Париз 8
и автор на повеќе дела, којшто во 2016 година, исто така беше гостин на оваа
манифестација,

– проф. д-р Ана Димишковска, професорка на Филозофскиот факултет во Скопје, и

– проф. д-р Емилија Јаневиќ, професорка на  Факултетот за медицински науки во
Штип.

Модератор на дебатата ќе биде проф. д-р Јордан Шишковски, професор на
University American College Skopje (UACS).

Настанот ќе се одвива со симултан превод и ќе се одржи на следниот Zoom линк : https://us02web.zoom.us/j/85440691308
За физичко присуство, потребна е регистрација на следниот мејл  <mailto:
culture@ifs.mk> culture@ifs.mk .

 

Куса биографија за Пјер Касу-Ногес 

Пјер Касу-Ногес е француски филозоф, професор на Универзитетот Париз-VIII и  автор на повеќе дела во кои се преплетуваат филозофијата, книжевноста и науката. 

Касу-Ногес е роден е во Тунис во 1971 година. 

Од 2001 до 2011 год., тој работи како одговорно лице на Центарот за научни  истражувања на Франција (CNRS), а од 2011 год. наваму работи како професор на  Универзитетот Париз-VIII. 

Генерално, неговите истражувања се насочени кон односот помеѓу разумот,  којшто го создава размислувањето и којшто доаѓа до израз во науката и  филозофијата, и имагинарното, коешто доаѓа до израз во книжевноста. 

Пјер Касу-Ногес ја поддржува тезата дека секоја концептуализација на разумот  во науката, како што е филозофијата, се поткрепува на имагинарни сцени, кои подоцна  можат да бидат избришани. Во неговите текстови, тој и’ отстапува место на играта на  фикцијата во внатрешноста на концептуелната размисла, за да му даде нова форма на  филозофскиот текст. 

Според Касу-Ногес, врз филозофската активност постојано делува фикцијата,  токму затоа и неговите описи во книгите речеси и не се разликуваат од оние не еден  романсиер, т.е. филозофот работи на фикции, воедно поаѓајќи од нив, а токму тие го  одредуваат просторот на можностите и оној на размислувањето. (Ле Монд)

Неговите истражувања се насочени во следните домени: 

* филозофијата во Франција во 20-тиот век ; 

* историјата на логиката и на филозофијата на логиката на математичарот Гедел ; * сликата на машината во науката и во книжевноста ; 

* филозофијата и научната фикција. 

Објавени дела : 

– За математичкото искуство. Есеј за филозофијата на науките на Жан Кавајес,  2001 

– Гедел, 2003 

– Историја на машините, вампирите и лудите, 2007 

– Демоните на Гедел. Логика и лудило, 2007 

– Зимата на Фелтрамови, 2009 

– Градот на две светлини. Замислена географија, 2009 

– Границата на искуството. Есеј за космологијата, 2010 

– Јас и мојот зомби. Филозофијата како фикција, 2010 

– Читање на мозокот. Невронаучна фикција, 2012 

– Мелодијата на тик-так: и други добри причини за губење време, 2013 – Сајбер сништата на Норбер Виенер, 2014 

– Метафизика на еден морски брег, 2016 

– Филозофска лабораторија, 2017 

– Технофикции, 2019 

– Вирусленд, 2020