(ФОТО ГАЛЕРИЈА) Македонија има безброј уникатни скривалишта
Во Македонија има безброј уникатни скривалишта во кои може да престојувате сами, со вашиот
сакан или сакана, вашето семејство и пријателите. Ваквата информација не би смееле да ја
изоставиме на денешниот ден кога едните го празнуваат празнуваат Св. Валентајн, а другите Св.
Трифун. Но без разлика што и да чествувате, платформата „Кајак.мк“ има одлични совети за
патување кои може да ви бидат од огромна корист за нова авантура.
Доколку сè уште размислувате каде да појдете денеска, наш совет е да ја посетите
платформата „Кајак.мк“ каде секојдневно се споделуваат нови уникатни сместувања кои дел
од нив се отцепени од јавноста, далеку од градските средини, а има и такви кои се наоѓаат во
планински предели каде нема друго објект во соседството.
Платформата неодамна заокружи над 240 сместувања, а тимот на Кајак.мк се надева дека до
крајот на годината ова бројка ќе биде помножена со два.
Доколку ги погледнете детално регионите во Македонија, сигурно ќе заклучите дека за дел од
сместувањата никогаш не сте ни слушнале, а тоа е и нашата главна цел. Да успееме да ги
запознаеме домашните патувачи со секое скриено место и објект што заслужува да биде
посетено, велат од Кајак.
Од дрвени планински куќички идеални за парови, па се до куќи со базен опколени со лозови
насади и густа шума. Дел од сместувањата се наоѓаат на ранч со коњи, дел покрај река или
притока, а дел од нив се наоѓаат далеку од населените места, до каде може да се стигне со
теренско возило, планинарење или велосипед.
Покрај сместувањата кои се огласени на платформата, неодамна „Кајак.мк“ лансираше нова
категорија именувана како „Гастромонија“ која има цел да ги собере сите уникатни места и
семејства кои нудат вкусни гастрономски приказни.
Платформата „Кајак.мк“ е позната по еколошката порака која секојдневно ја испраќа. Во текот
на 2021 година, преку патувањата кои тимот на Кајак.мк ги организираше за приватните
компании, беа засадени над 5400 дрвца ширум Македонија. Ваквите тим-билдинг програми
имаат цел да ги поттикнат компаниите да размислуваат еколошки одговорно, но и да ги
вклучат своите вработени во акциите за пошумување.
Платформата му овозможува на локалниот жител кој има несекојдневно хоби или занает, а кој
е дирекно или индирекно поврзан со туризмот да добие промоција, бидејќи како што велат од
тимот, ваквите локални херои ни се потребни за развој на туризмот.
![](https://gasiinter.net/wp-content/uploads/2022/02/001-1024x768.jpg)
![](https://gasiinter.net/wp-content/uploads/2022/02/003.jpg)
![](https://gasiinter.net/wp-content/uploads/2022/02/002-1-768x1024.jpg)
![](https://gasiinter.net/wp-content/uploads/2022/02/005.jpg)
![](https://gasiinter.net/wp-content/uploads/2022/02/006.jpg)
![](https://gasiinter.net/wp-content/uploads/2022/02/007.jpg)
![](https://gasiinter.net/wp-content/uploads/2022/02/008-1024x683.jpg)
![](https://gasiinter.net/wp-content/uploads/2022/02/009.jpg)
![](https://gasiinter.net/wp-content/uploads/2022/02/010.jpg)
![](https://gasiinter.net/wp-content/uploads/2022/02/012.jpg)
![](https://gasiinter.net/wp-content/uploads/2022/02/013-1024x574.jpg)
![](https://gasiinter.net/wp-content/uploads/2022/02/014.jpg)
![](https://gasiinter.net/wp-content/uploads/2022/02/015-1024x683.jpg)
![](https://gasiinter.net/wp-content/uploads/2022/02/016-1024x768.jpg)