Дали е лажирана провала во стационарот, со цел да исчезнат документи од работењето на ЈП Лајка?
Јавноста треба да знае дека во месец ноември 2021г. доставивме Барање за
информации од јавен карактер каде наш интерес се еутаназираните животни за
време на мандатот на сега разрешената директорка на ЈП Лајка,Тина
Петрушевска. Барањето го доставивме поради индиции и наши сомнежи во
точноста на податоците објавени во годишните извештаи за работа – прикажани
15 еутаназирани кучиња, додека во јавноста се јавуваа примери за убиени
мирни маалски миленици и самоволието на директорка да лично одлучува дали
некое куче ќе биде убиено- потенцираме, дури и во случаи кога за него
постои вдомувач кој би го земал на сопствена одговорност.
Тој период коинцидира со пријава за провала во стационарот – во месец
ноември 2021г. поранешната директорка на ЈП Лајка пријавила провала во
стационарот. Прашуваме, кој има интерес да провалува и што би крадел во
стационар за кучиња? Прашуваме, дали пријава на провала пред нејзино
разрешување е обид за прикажување на кражба на документација?
Бараме итен инспекциски надзор на ЈП Лајка и констатирање на фактичка
состојба , ревизија на сите продуцирани документи кои се однесуваат на
работата на ЈП Лајка во време на мандатот на Петрушевска, годишните
програми и проверка на точноста на годишните извештаи за работа. КОЛКУ
КУЧИЊА СЕ УБИЕНИ и за секое едно бараме причина зошто. Бараме надлежните да
ја проверат информацијата дека во ЈП Лајка се исчезнати класери со
документи во однос на животните и финансиското работење. Ги упатуваме на
проверка на сите сигурносни камери и обезбедувањето на Лајка.
Нема да отстапиме од барање одговорност за секое куче. А секој кој е
виновен ќе сториме се да одговара.
