ССМ во НЕДЕЛА со голем протест пред Собранието и Стопанската комора
Протестот започнува на 12.12.2021 година во 12:12 часот пред зградата на Сојузот на синдикатите на Македонија во Скопје, а учесниците ќе се движат од зградата на Сојузот на синдикатите на Македонија кон Собранието на Република Македонија, каде што ќе бидат упатени барањата на работниците, а потоа ќе продолжи кон седиштето на Организацијата на работодавачи на Македонија и Стопанската комора на Македонија каде што ќе бидат упатени барањата од протестот.
ССМ бара Измена и дополнување на Законот за минимална плата со која ќе се спречи минималната плата да изнесува под 60 % од просечната плата ,односно истата да се зголеми најмалку на 18.000,00 денари и да се предвиди решение со кое и останатите плати ќе го следат растот на минималната плата.
Треба да знаеш дека
Минимална плата е најнискиот месечен износ на ОСНОВНАТА ПЛАТА која работодавачот е должен да му ја исплати на работникот за работа извршена за полно работно време.
Платата е составена од: – основна плата; – дел од плата за работна успешност, и – додатоци.
ОСНОВНАТА ПЛАТА не може да биде пониска од минималната плата утврдена со закон.
ОСНОВНАТА ПЛАТА на работникот се зголемува кога работникот работи во услови потешки од нормалните, за определено работно место, како и основната плата на работникот се зголемува по час најмалку за:
35% за прекувремена работа,
35% за работа ноќе,
5% за работа во три смени,
50% работа во ден на неделен одмор.
За работа во денови на празници и неработни денови утврдени со закон, работникот има право на надомест на платата што му припаѓа кога во тие денови не работи и плата за поминатите часови на работа зголемена за 50% или вкупно250% , а додатоците, меѓусебно не се исклучуваат.
ОСНОВНАТА ПЛАТА на работникот се зголемува за 0,5% за секоја година работен стаж.
Работодавачот на свој трошок на работниците може да им организира превоз до и од работното место, како и исхрана за време на работа, па ако ја пресметувал истиот мора и да ја исплати
Работодавачот не смее своите побарувања кон работникот без негова писмена согласност да ги порамни со својата обврска за исплата на платата.
На 29.07.2021 година до Владата беше доставен предлогот на Општиот колективен договор за јавниот сектор во кој покрај другото, ССМ предложи да се уреди правото на Регрес за годишен одмор во висина од 30% до 100% од основицата за сите вработени во јавниот сектор како и други предлози кои се исклучиво во насока на унапредување на права на работниците во јавниот сектор.
Исплатата на регресот за годишен одмор воспоставена со ОКД за приватниот сектор од областа на стопанството е задолжителна за работниците и истата треба работодавачите да ја да ја реализираат до крајот на годината.
Согласно член 35 од ОКД за приватниот сектор од областа на стопанството регресот за годишен одмор се исплатува во висина од најмалку 40% од основицата, под услов работникот да работел најмалку 6 месеци во календарската година кај ист работодавач.
Основицата за пресметување на надоместоците на работниците преставува просечната месечна нето плата по работник во Република Македонија исплатена во последните три месеци.
Доколку не се исполнат барањата, синдикатот најавува генерален штрајк.
СОЛИДАРНОСТ ПРЕД СЕ
ПРИКЛУЧИ СЕ НА ПРОТЕСТОТ
