Смртна казна за студент во Северна Кореја поради копија од серијата Squid Game
Жител на провинцијата Хамгјеонгбук во Северна Кореја е осуден на смрт затоа што донел дома копии од серијата Squid Game. Студентот кој се враќал од Кина успеал на царина да прошверцува УСБ-диск кој ги содржи сите епизоди од серијата на Нетфликс.
Младиот студент го продал флеш-дискот на средношколец. Тој решил популарната серија да ја гледа со својот најдобар пријател, а потоа се пофалил на своите пријатели кои подоцна се приклучиле и заедно го гледале. Групата млади била идентификувана благодарение на шверцувачот. Средношколецот кој го купи филмот доби доживотна казна затвор, а неговите пријатели добија по пет години тешка физичка работа. Исто така, казнети се наставниците и управата на училиштето каде што учеле тинејџерите. Просветните работници биле испратени во руралните области на земјата и протерани во рудниците за јаглен. Радио Слободна Азија објави за овој настан.
Самиот шверцер е осуден на смрт.
Северна Кореја има строга забрана за увоз на електронски и печатени производи од други земји во земјата. Во моментов продолжуваат претресите во домовите на ученици.
