Почнува зимско сметање на времето. Во недела 31 Октомври стрелките за еден час наназад

Зимското сметање на времето започнува на 31 Октомври во 3:00 часот кога ја поместуваме стрелката кон 2:00 часот. Во 3 часот часовникот треба да се помести еден час наназад со што ќе „добие“ еден час. Иако се водеше многу дебата за тоа дали е неопходно зимско и летно сметање на времето, укинувањето нема да се случи годинава. Со движењето на часовникот во текот на летните денови се обезбедуваше значително намалена потрошувачка на енергија, но денес таа заштеда е помала, а последиците што поместувањето на часовникот ги има врз здравјето се поголеми. Има се повеќе докази дека поместувањето на часовникот од летно во зимско сметање на времето и обратно може да остави сериозни последици по здравјето на организмот. Д-р Џозеф Такаши и неговиот тим го открија генот што го диктира нашиот внатрешен часовник уште во 1997 година, објави Медицинскиот центар Југозападен Универзитетот во Тексас. Со помош на ваквите гени, секоја клетка во нашето тело го следи времето, што значи дека нарушувањата во секојдневната рутина можат да ја нарушат нивната рамнотежа. Стресот предизвикан од поместувањето на часовникот може да предизвика несоница, а со тоа и конфузија, па дури и проблеми со меморијата. Недостигот на дневна светлина што го носи зимското сметање на времето може да доведе до бројни психички проблеми, но и сезонска депресија. Еден дополнителен час дневна светлина што го имаме на летно сметање на времето ни значи многу, и за расположение и за здравје.

Часот кој на 31 октомври 2021 година, поради поместувањето за еден час наназад се појавува два пати помеѓу 02h 00min 00s и 03h 00min 00s се означува првиот пат како час 2А, а вториот пат како час 2Б.

Одлуката е објавена во Службен весник на Република Македонија број 68 од 25 март 2021 година.