Се вдоми питбулката Етна и се вдомуваат Шана И Пако

Питбулката која со денови талкаше низ скопската населба Гази Баба и беше донесена кај
нас од хуман граѓанин, конечно си ја пронајде својата среќа.
Човекот кој ја вдоми и се грижи за Етна, е неизмерно благодарен на нашето
прифатилиште, кој му овозможи да биде новиот сопственик на ова прекрасно милениче.
Сега двајцата уживаат во долгите утрински и ноќни прошетки во природа.
Нашето прифатилиште ЈП Лајка се приклучува во одбележување на Октомври – Светскиот месец за
подигнување на свеста и одговорноста за чувањето на расата пит бул со своја кампања.
Целта за одбележување на овој месец е градење на одговорно сопствеништво и подигнување на
свеста кај сите сопственици на оваа раса, бидејќи за жал поради својата природа и карактеристики
овие кучиња се користат нелегално за борби.
ЈП Лајка која преку својата програма се бори и залага за хуман третман и благосостојба на
кучињата до сега има спасено десетина кучиња од оваа раса кои беа злоупотребувани и
малтретирани за борби. 

Шана и Пако очекуваат да бидат вдомени и да израдуваат нечие семејство во овие
студени есенски утра. Шана и Пако пленат со својот единствен карактер, исклучително
мили, темпераментни, лојални, даваат безусловна љубов, пријателство и незаборавна
забава.
ШАНА има околу 3 години и е среден раст, таа е мирна, послушна и исклучително мила.
Одличен миленик за дом со деца, додека пак Пако има 3 години и е среден раст,
прекрасен миленик, мирен, мил и дружељубив.
Шана и Пако имаат уредна крвна слика, негативен 4D тест, негативен тест на лишманија
по акредитирана метода.
Секое куче кое ќе го вдомите од кај нас го добивате со пасош, прочистено од внатрешни и
надворешни паразити, стерилизирано/кастрирано, чипирано, вакцинирано од заразни
болести, избањата со стекнати хигиенски навики.
Сите единки во прифатилиштето на ЈП Лајка кои се спреми за вдомување се комплетно
здрави единки и го имаат поминато целиот хуман третман.
Да ја поддржиме заедно кампањата „Вдоми куче, вдоми љубов“, да покажеме хуманост и
да им подариме топол дом на кучињата каков што вистински заслужуваат.
Секое вдомено куче, значи едно бездомно куче помалку на улица, особено во овој зимски
период исклучително ниски температури.
За вдомување на куче од прифатилиштето на Лајка и пополнување на прашалник
аплицирајте на vdomi@lajka.com.mk.