ШИЛЕГОВ: СЕДУМ ДЕНА БЕСПЛАТЕН ЈАВЕН ПРЕВОЗ ЗА ПЕНЗИОНЕРИ ЗА ПОМАЛКУ ГУЖВИ

Во своето гостување на утринската програма на ТВ Сител „Ја сакам Македонија“,
градоначалникот на Скопје Петре Шилегов укажа дека градскиот превоз треба да е
брз, евтин, и сигурен и дека тоа го овозможува Бас Рапит Транзит системот:
„За 30 минути ќе стасате од Лисиче до Ѓорче со првата траса на БРТ-то. Тоа што
можеме ние да го направиме за Скопје е да обезбедиме бесплатен јавен превоз за
пензионерите.“
Шилегов ветува бесплатен превоз за пензионерите во текот на целата недела, а не
само во вторник и петок, за да се намали притисокот тие два дена во јавниот превоз.
Според Шилегов, повеќе автобуси не го решаваат проблемот, туку проблемот го
решава само добро направен концепт којшто е систем на јавен превоз: „Во Скопје во
моментов имаме автобуски превоз, меѓутоа немаме систем на јавен превоз а тоа е
БРТ-то … Бордот на ЕБРД го оцени ова за најзелен проект којшто го финансираат во
рамки на јавен превоз во последните 30 години, што значи дека тука влегуваме со
повеќе бенифити. Ја заштитуваме животната средина, правиме систем на јавен
транспорт еколошки прифатен, правиме многу брз јавен транспорт кој ќе ги
дестимулира луѓето да ги користат возилата. Вие ќе можете за 25 до 30 денари од
Ново Лисиче да стасате до Ѓорче, зошто би палеле автомобил? Многу битно за тој
систем е што на секои 3 минути ќе имате автобус на станица. Тоа е многу битно, за
прецизно да го планирате денот“, изјави во своето гостување на утринската програма
на ТВ Сител „Ја сакам Македонија“, градоначалникот на Скопје Петре Шилегов.