Гостувањето на Белградска филхармонија во Скопје е откажано поради ненадејната смрт на директорот Иван Тасовац

Гостувањето на Белградска филхармонија во Скопје, на 9 октомври е откажано, поради ненадејната смрт на директорот Иван Тасовац, кој почина синоќа, во својот дом во Белград.

Гостувањето ќе се реализира во наредниот период, а за датумот ќе бидете дополнително информирани.

Тасовац е роден во 1966-та во Белград. дипломирал и магистрирал клавир на Конзерваториумот „Петар Илич Чајковски“ во Москва. Дебитирал на 12 години како пијанист со оркестарот на Белградската и Загрепската филхармонија. Како солист настапувал со оркестрите на Италија Швајцарија, Шпанија, Ирска, САД, Русија, Белгија и со сите од поранешните земји на СФРЈ.

Беше директор на Белгарската филхармоја од 2001-ва до 2013-та, период во кој е реконструирана зградата, обновени инструментите, оркестарот беше подмладен, ангажирани беа најквалитетните музичари кои се вратиле од школување во странство. За време на неговиот мандат, унапредена е и регионалната соработка на филхармонијата. Останаа запаметени и бројните промотивни кампањи, како онаа под слоганот „Ви благодариме што не доаѓате“, како и распишувањето тендер за избор на диригент на Филхармонијата.

Од 2013 до 2016-та беше и министер за култура, а во 2017-та владата повторно го именуваше за директор на филхармонијата.