Филмот М во режија на Вардан Тозија на филмскиот фестивал во Котбус.

Филмот М во режија на Вардан Тозија ќе учествува на сесијата Works in progres (Филмови во изработка) на филмскиот фестивал во Котбус. 

Од стотиците апликанти, само 6 проекти се одбрани да бидат презентирани пред заинтересираните агенти, дистрибутери, ТВ и фестивалски едитори и секако е одлична можност за промоција на филмот, кој е во финалната фаза на постпродукција. 

Повеќе за фестивалот можете да видите на следниов линк: 

https://www.connecting-cottbus.de/selected-projects 

Инаку, филмот М е фантастична бајка која ја раскажува приказната за осумгодишниот Марко, кој во дистопискиот и опасен свет на нашата блиска иднина е во потрага по својата мајка. Сценариото е потпишано од Вардан Тозија и Даријан Пејовски, кинематографер е Влатко Самоиловски, сценографијата е на Кирил Спасески Кикич, костимите се на Андреа Кустовиќ и Николина Костаншек, а маскер е Горан Игњатовски. Улогите ги толкуваат Матеј Сиваков, Александар Ничовски, Сашко Коцев, Тони Михајловски, Камка Тоциновска и Бојана Грегориќ Вејзовиќ. Продуцент на М е Фокус Покус Филмс  

од Скопје, а филмот е официјална копродукција помеѓу Македонија, Хрватска, Косово и Франција.