Освен со сертификат за примена вакцина ќе можете на кафе и со уште еден документ

Од понеделник 16 Август ќе може да влегуваат во угостителски објекти и настани лица кои прележале Ковид 19 во последните 45 дена. 45 дена се однесува на тоа дека треба да се поминати 3о дена од прележувањето на вирусот и дополнителни 15 дена да се организираат за вакцинација. Изјави министерот за здравство Венко Филипче при денешната посета во Охрид.

Според одлуките на последната владина седница, невакцинираното лице ќе нема право да влезе во угостителски објект или да присуствува на настан каде што присуствуваат повеќе од 30 лица, но министерот дополни и дека со потврда за прележан ковид граѓаните исто така ќе може да се движат на посочените места.

Да потсетиме дека од 16 август се воведува задолжителна потврда за извршена имунизација, најмалку прва доза, со задолжителна редарска служба заради контрола на приложување доказ за вакцинација при влез во секаков вид на објект, вклучително и во угостителски објекти, каде има повеќе од 30 присутни лица, за било каков настан (прослава, концерт, семинар, обука, работилница, конференција, културни или спортски настани).

Грaѓаните кои од понеделник ќе бидат затекнати во објект или на настан без сертификат за примена вакцина против ковид-19 ќе платат казна од 250 евра, а казната за угостителскиот објект се движи од 2.500 евра до 30 илјади евра, во зависност од големината на објектот, плус 1.500 евра за одговорното лице, рече дирекоторката на Државниот пазарен инспекторат (ДПИ) Анета Симеска-Димоска.