(ВИДЕО) Земјотрес во Алјаска од 8,2 степени. Издадено предупредување за цунами

Силниот потрес е регистриран на околу 91 километар југоисточно од Перивил, Алјаска и се случи околу 22:15 часот по локално време вчеравечер, соопшти Американскиот геолошки завод.

Земјотресот е регистриран на длабочина од 46,7 км. и се смета за плиток. Плитки земјотреси се оние што се случуваат на длабочина до 70 километри. По првичниот, следуваа уште најмалку два силни потреси, со магнитуда од 6,2 степени, односно 5,6 степени според Рихтеровата скала, соопшти геолошкиот завод.