Македонскиот игран филм “М“ е добитник на главната награда на овогодинешното Works in Progress на Интернационалниот филмски фестивал во Пула

Македонскиот игран филм “М“ на режисерот Вардан Тозија, во продукција на  Фокус Покус Филмс е добитник на главната награда на овогодинешното Works in  Progress на Интернационалниот филмски фестивал во Пула 

Чест ми е да Ве информирам дека македонскиот игран филм “М“ на режисерот Вардан  Тозија, во продукција на Фокус Покус Филмс, е добитник на главната награда на  овогодинешното Works in Progress (филмови во изработка) во рамките на  Интернационалниот филмски фестивал во Пула.  

Во конкуренција со уште десет селектирани меѓународни филмски проекти во фаза на  пост-продукција, филмот М беше успешно презентиран од страна на продуцентот Дарко  Попов.  

Реномираното интернационално жири во состав Сајмон Пери, британски продуцент;  Вања Калуџерчиќ, уметничка директорка на ИФФ Ротердам; и Хавиер Анри Рашид,  сопственик на агенцијата за продажба на филмови Film Republic, се одлучи наградата за  постпродукциски услуги во вредност од 12.000 евра да му ја додели на македонскиот  филм. Копродукциската соработка од наградата се реализира со студиото Слипвокер од  Прага.  

Филмот “М“ е дистописка бајка која ја раскажува приказната за осумгодишниот Марко,  кој во суровиот и мрачен свет обземен со таинствен вирус, е во потрага по својата мајка.  Филмот е копродукција помеѓу Р. Северна Македонија, Хрватска, Косово и Франција. Со  одлука на Агенцијата за филм на РМ, вториот филм на режисерот Вардан Тозија и  третиот на продуцентот Дарко Попов, влезе во категоризацијата “дебитантски“, со што  беше пролонгирана неговата реализација. 

Линк до официјалната страница на фестивалот: https://pulafilmfestival.hr/dodijeljene nagrade-industrijskog-programa-filmovi-u-nastanku/