Кинезите го берат првиот „вселенски“ ориз

Научниците од Кина ја собраа првата оризова култура од семиња што биле во вселената. Ова го објави Централната телевизија на земјата.

Серија семиња патувале на 23-дневна мисија на Месечината. Тие биле изложени на космичко зрачење, по што се вратиле на Земјата, каде им биле предадени на научниците од земјоделскиот универзитет во Јужна Кина.

Процесот на одгледување ориз траеше неколку месеци. Кинеските научници не планираат тука да застанат. Тие планираат да добијат нови сорти ориз.

Експертите сметаат дека „вселенскиот“ производ е вреден за научни истражувања.

Кина веќе практикува одгледување на производи што биле во вселената. Меѓу нив има и разни зеленчуци и житарки .