Возачот кој ја усмрти Верица и избега од местото осуден на 15 месеци

Сообраќајната несреќа се случи на 7 април 2021 Во Струмица. Во 19:40 часот на булеварот „Ленинова“ Верица кога преминувала на пешачки премин, момчето удрило во Верица со својот „Нисан„. Возачот избегал од местото на несреќата, а подоцна, истиот ден, сам се пријавил во полициската станица.

Основниот суд во Струмица го осуди И.Ч. (18) од Струмица на казна затвор во траење од 15 месеци заради сообраќајната несреќа со смртни последици на Верица Белчовска (20) од беровско Русиново.

Според судијката Цона Каламерникова, обвинетиот пред судот ја признал вината за стореното дело, а казната му е изречена за сторени кривични тешки дела против безбедноста на луѓето и имотот во сообраќајот и неукажување помош на лице повредено во сообраќајна незгода.

По смртта на Верица, семејството ги донираше нејзините органи, кои спасија три животи.

За хуманоста семејството Белчовски доби стан на користење од Владата, а мајката на Верица се вработи во канцеларијата на премиерот Зоран Заев во Струмица.