Мајкрософт го најави Windows 11 со ремикс на звуци од старите оперативни системи
Мајкрософт објави на официјалниот канал на Јутјуб мистериозно видео со звуци од вчитување стари оперативни системи. Смирувачкиот „Slo-fi Remix“ се одликува со Windows 95, XP и 7 стартни мелодии, забавени илјадници пати.
“Не можете да се опуштите затоа што сте премногу возбудени за настанот на Мајкрософт на 24-ти јуни? Започнете со лежерно носталгично патување со Windows 95, XP и 7 стартни звуци забавени до медитативна брзина од 4000%”, стои во описот на видеото
Самото видео е чудно и нетипично за компанија како „Мајкрософт“. Внимателните корисници на социјалните мрежи забележаа дека ремиксот трае точно 11 минути, и ова тешко може да се нарече случајност. Можно е дека во чест на старите оперативни системи, компанијата го шифрирала индексот на следната верзија – Windows 11.
Презентацијата, на која Мајкрософт вети дека ќе го објави „Windows од следната генерација“, ќе се одржи на 24 јуни . Mоже да се следи преносот преку Интернет на официјалната веб-страница на компанијата . Почетокот е во 17:00 часот. Претходно, шефот на Мајкрософт Сатја Надела го нарече претстојното ажурирање „едно од најзначајните надградби на Виндоус во текот на изминатата деценија“.
Компанијата имаше и други навестувања за Windows 11. На пример, покана за настан на 24 јуни вклучува слика на лого каде светлината што паѓа низ прозорецот создава контура слична на бројот 11 . Покрај тоа, конференцијата започнува точно во 11:00 часот по Eastern Time.
