Промоција на Извештај од истражувањето на влијанието што мерките за справување со ковид-19 го имаат врз човековите права на маргинализираните заедници

11.6.2021, 10.00 часот, online платформа ZOOM  

Линк за приклучување на настанот тука

Мрежата за заштита од дискриминација Ве поканува на промоцијата на Извештајот од  истражувањето на влијанието што мерките за справување со ковид-19 го имаат врз човековите права  на маргинализираните заедници.  

Настанот ќе се одржи онлајн, со почеток од 10.00 часот на платформата Zoom, од даде  можете да се приклучите на следниот линк.  

Настанот има за цел да ги презентира клучните наоди од ова истражување и да отвори  дискусија за влијанието што пандемијата и донесените мерки за справување со нејзе го имаат врз  правата на маргинализираните заедници. 

Здруженијата од Мрежата за заштита од дискриминација во текот на пандемијата активно  работеа со маргинализираните заедници за кои се застапуваат, ги мапираа потребите, предизвиците  и ефектите и предлагаа решенија за олеснување на ефектите од пандемијата врз нив.  

Обврските на државата кон маргинализираните заедници за време на пандемија, од една  страна, се да го заштитат здравјето и на овие заедници за време на пандемијата. Од друга страна,  државата има обврска да донесе мерки кои ќе превенираат осиромашување и дополнителна  маргинализација на ранливите заедници поради кризата, преку непропорционален ефект на  ограничувањата на правата кон овие групи за разлика од општата популација. 

Врз основа на истражувањето се добиваат релевантни заклучоци и препораки за поуспешна  заштита на правата и пресретнување на потребите на маргинализираните заедници во услови на  криза, но и надвор од неа. Резултатите и препораките од истражувањето ќе бидат јавно  презентирани на овој настан и ќе служат за застапување засновано врз докази, за унапредување на  гарантирањето и заштитата на човековите права на маргинализираните групи, преку унапредување  на политиките, практиките и капацитетите на институциите.  

Лице за контакт: Елена Петровска  

elena.coalition@gmail.com 

075207187

Спроведеното истражување и овој настан ден дел од целите и активностите на Мрежата за заштита од  дискриминација во рамките на проектот: „Мрежа за заштита од дискриминација: Здружена акција за унапредување  на еднаквоста и социјалната правда на маргинализираните заедници“, поддржан од Фондацијата – Отворено  општество – Македонија.  

  

  

А Г Е Н Д А 

10.00 – 10.20	Воведни излагања    – Драгана Дрндаревска, Коалиција Маргини, Мрежа за заштита од  дискирминација   – Кире Миловски, Фондација Отворено општество – Македонија
10.20 – 11.45	Презентација на наодите од истражувањето на влијанието што мерките за  справување со Ковид 19 го имаат врз човековите права на маргинализираните  заедници   – Услуги, иницијативи и искуства од кризата на здруженијата на граѓани кои  работат со маргинализирани заедници. Пристап до правда на  маргинализирани заедници во услови на Ковид 19. – Наташа Бошкова,  Коалиција Маргини  – Влијанието на забраната и ограничувањето на движењето врз  маргинализираните заедници. Правото на образование во услоги на Ковид  19. – Маргарита Глигуровска, ХОПС- Опции за задрав живот Скопје   – Правата од социјална заштита на маргинализираните заедници во услови  на Ковид 19. – Росана Богатинова, Мрежа за заштита од дискриминација – Влијанието на кризата врз економската состојба на маргинализираните  заедници. – Дарко Антиќ, Здружение ЕСЕ
11.45 – 12.00	Пауза
12.0 – 13.00	Повреди на човекови права за време на кризата предизвикана од Ковид 19,  регистирани од независните тела за човекови права   – Васка Бајрамовска Мустафа, Заменик Народен правобранител  (непотврдено)   – Игор Јадровски, Комисија за спречување и заштита од дискриминација Дискусија, заклучоци и препораки