Зошто се крие вистината за состојбата на Шумахер

Поминаа скоро осум години откако Михаел Шумахер имаше несреќа на скијање и претрпе тешки повреди на мозокот, а за неговото здравје денес се знае многу малку.

Последниот детален извештај за состојбата на седумкратниот светски шампион во Формула 1 беше објавен во септември 2014 година, кога Шумахер беше префрлен од болницата во неговата куќа на Женевското езеро.

Германскиот весник Фокус наведува дека најверојатно никогаш нема да дознаеме каква е здравствената состојба на Шумахер и дека треба да се помириме со тоа. Имено, постојат две причини зошто се крие вистината за него.

Првиот е дека поради комплексноста на повредите на мозокот, како во случајот на Шумахер, дури и најдобрите лекари не можат да дадат прогноза. Промените се сосема нормални и еден ден може да биде сосема различен од другиот. Затоа, предвидувањата не се сигурни.

Од друга страна, Сабине Кем, како претставник на семејството Шумахер, сака да ја информира јавноста само кога ќе има нова и конкретна надеж за подобрување.

Ако Кем денес ја соопштеше состојбата на Шумахер, утре веројатно ќе требаше да го стори истото. И задутре. Принципот станува јасен, објавува Фокус.

Од овие причини, семејството одлучило целосно да се изолира од јавноста и сите фанови на Шумахер мора да прифатат дека можеби никогаш нема да ја дознаат состојбата на една од најсаканите личности во светот на спортот.