Дали пандемијата го намали наталитетот во светот?

Пандемијата влијае на опаѓањето на наталитетот во светот, покажува студијата на австрискиот демограф Томас Соботка.

Студија на Томас Соботка, демограф на Австриската академија на науките, покажува дека ниту една земја во светот опфатена со истражувањето – 15 членки на ЕУ, Швајцарија, САД, Русија, Јужна Кореја, Тајван, Норвешка и Украина – девет месеци по почетокот на пандемијата не дошло до  зголемување на наталитетот.

Исто така, има јасен пад на наталитетот, кој во Шпанија, на пример, е 20 проценти. Најголем пад на наталитетот е забележан во земјите каде првиот бран на пандемијата предизвика високи стапки на инфекции и голем број смртни случаи, како што се Шпанија и Италија. Во Италија, стапката на наталитет паднала за осум проценти.

Впечатлива е и состојбата во Унгарија, каде дошло до пораст на бројот на новороденчиња до деветтиот месец од почетокот на пандемијата, а во ноември бројот стагнирал, за да се намали за осум проценти во декември, а за 10 проценти во јануари, се вели во студијата.

Во Австрија, стапката на наталитет паднала за 5,5 проценти, што одговара на просечниот тренд на сите анализирани земји. Во Данска, Финска и Норвешка стапката на наталитет останала стабилна, пренесува Танјуг.

Соботка проценува дека причината за падот на наталитетот треба да се бара и од економски и од здравствени причини, бидејќи жените се плашат да останат бремени за време на пандемијата.

Соботка верува дека пандемијата ќе има последици дури и откако ќе помине.