Историски ден за Скопје – После повеќе децении, официјално започнува постапката за изградба на БРТ

Историски ден за Скопје

Потпишан договор помеѓу Град Скопје, Министерството за финансии и Еворпсаката Банка за обнова и развој со што и официјално започнува постапката за изведба на БРТ системот во Скопје. 

Скопје е првиот град на Балканот кој ќе го изведе БРТ системот. 

Проектот опфаќа воспоставување на две линии со коридори кои што се резервирани само за овие автобуси од Ѓорче Петров до Ново Лисиче и од Бутел до Кисела Вода. Трасата од Ѓорче Петров до Ново Лисиче ќе биде со должина од 12,81 километар во една насока. Ќе има 21 станица и 2 терминали еден во Ѓорче Петров и еден во Ново Лисиче каде што ќе биде изграден новиот терминал. Приближна бројка на патници кои ќе ја користат оваа траса е околу 65000 луѓе дневно. Времетраењето на патување на оваа траса која сега изнесува 75 минути ќе се намали за повеќе од 50%. 

Во рамките на ЕБРД овој проект е заведен како зелен проект. Се финансира во рамките на мрежата на зелени градови каде град Скопје е член уште од 2019 година кога започна оваа постапка.