Еве ги 5-те најчести лаги за губење на килограмите: Заборавете ги сега!
Секој има мислење за диетата и слабеењето што сакаат да го споделат со другите. Постојат и бројни експерти кои заговараат одредени мислења и често ги убедуваат луѓето дека се точни. Но, при ширење на разни идеи за диети и слабеење, се создадоа бројни митови во кои луѓето слепо веруваат, но всушност тие не се воопшто точни.
Затоа, заборавете на сè што ви кажале пријателите и семејството, па дури и тренерите, бидејќи можеби и тие веруваат во погрешни работи.
- Треба да броите калории
Не е важен само бројот на калории, важно е и од каде потекнуваат тие калории. На пример, јадењето авокадо може да има ист број на калории како торта, но хранливите материи што се наоѓаат во авокадото многу варираат, па затоа треба да обрнете внимание на тоа што јадете, а не на тоа колку јадете.
- Десертот е забранет
Истражувањата покажаа дека кога некому забранувате десерт, тој има потреба да се прејадува со друга храна. Покрај тоа, има и здрави десерти, кои содржат добри јаглехидрати, а некои рецепти содржат и бел шеќер, но во помали количини. Десертот не смее да биде забранет, а лицето кое сака да изгуби килограми мора да научи да јаде разумно и да ужива во десертот.
- Утре ќе ја поправам грешката од денес
Без разлика дали станува збор за оброк што не се препорачува во диетата или лажен тренинг, мора да знаете дека никогаш не е добро да го прекинете процесот и да го надоместите следниот ден. Дури и ако направите сè двапати утре, мора да знаете дека не се ослободивте од калориите од вчерашната брза храна, бидејќи потребни се часови и часови за да се ослободите од вишокот калории. Покрај тоа, брзата храна не му дава на организмот здрави хранливи материи, а додава килограми.
- Избегнувајте овошје
Научниците потврдија дека додавањето на свежо овошје во исхраната не дебелее, туку дури доведува до слабеење, што покажува дека квалитетот на диетата е важен. Со други зборови, сè се сведува на контрола и размислување, мора да избегнувате преработена храна со додаден шеќер и може да јадете слатки плодови.
- Треба да го испланирате секој оброк
Наспроти верувањето дека треба внимателно да го испланирате менито за секој ден, нутриционистите тврдат дека на овој начин ризикувате „измама“, односно дека ќе ја прекинете диетата порано. Работата е во тоа што вашето тело може да копнее по храна што ја нема на менито тој ден, но сепак ќе ја јадете и со тоа ќе го прекршите планот за слабеење. Одлучете што ќе јадете ден претходно, но ако имате „напад на глад“, јадете што сакате бидејќи диетата не е забрана, туку само програма.
Здравата исхрана не значи откажување од храната која ја сакате . Билансот и различноста се важни, а кога ќе престанете да ги следите овие митови, со редовно вежбање и здрава исхрана, килограмите само ќе се топат.
