Ги исклучуле профилите на социјалните мрежи и сега се посреќни
Постојат многумина кои ги избришаа сите профили од социјалните мрежи во последниве години или значително го намалија својот „престој“ на нив. Како причини за тоа, жените главно го наведуваат зачувувањето на менталното здравје и бегање од прекумерната негатива што владее на социјалните мрежи во последно време. “Има премногу “лажни луѓе”. Џоди со години имала профили на Фејсбук и Инстаграм. Таа ги избришала сите свои “пријатели” пред четири години. “Јас го сторив тоа за да имам помалку негативност во мојот живот, затоа што имаше толку многу лажни луѓе и пријателства. Не го избришав целосно својот Фејсбук профил затоа што сè уште го користам за некои групи и за Marketplace, но не го користам за никакви лични објави или за следење други“, изјави Џоди. Пред да стане неактивна на Фејсбук, таа напишала објава во која објаснила дека брише сè и, ако некои луѓе сакаат да останат во контакт, тоа можат да го сторат преку СМС.
“Не чувствувам како да ми недостасува нешто, бидејќи најважно ми е она што е пред мене, а тоа се моите деца, моите блиски пријатели и семејството. Животот е краток, мислам дека е лекција што повеќе и повеќе луѓе почнуваат да ја разбираат“, вели таа. Тејт, знае дека сигурно никогаш нема да предомисли: „Боже, би сакала да поминував помалку време на социјалните мрежи”. Таа вели дека денес живее со помалку стрес, без нив. “Она што ме натера да се одлучам да ги избришам профилите на социјалните мрежи беше целата таа негативност, особено на Фејсбук. Од тогаш моето ментално здравје драстично се подобри. Иако уште поминувам прилично време на телефон, чувствувам дека живеам со помалку стрес“, објаснува Тејт. Фани, вели дека сега спие подобро и помирно. “Престанав да го користам Фејсбук пред неколку години, а потоа го избришав и својот профил на Инстаграм. Бидејќи го направив тоа, спијам подобро, умот ми е поодморен. Се чувствувам помалку вознемирена и помалку нервозна”, вели Фани.
Дури сега е свесна колку социјалните мрежи ја принудиле да троши повеќе затоа што се споредувала со невозможни филтрирани фотографии и фотошопирани стандарди. Сепак, таа признава дека се чувствува некако постаро откако се тргнала од сето тоа, пренесува Huffpost.
