Правилото „72 часа“ во врските: Смирете ги страстите, а потоа разговарајте!

Една девојка го сподели својот начин на решавање проблеми во врската.

Веројатно нема сериозна љубовна врска во која нема барем повремени несогласувања, а една жена вели дека има одлично правило што ќе ви помогне да ги смирите страстите.

Лоти Хендерсон објави видео на TikTok во кое го објаснува своето правило „72 часа“ во врските. Правилото е едноставно: ако вашиот партнер ве нервира или повреди, почекајте 72 часа за да реагирате.

– Ако по 72 часа веќе не чувствувате потреба да реагирате, не кажувајте ништо – вели таа, а ако другата страна знае дека ве повредила, и не каже ништо после тоа време, тоа значи дека не му е грижа.

Многумина го коментираа видеото во стилот дека идејата е паметна и дека треба да го чекаме тој период за човек да се „олади“.