Луѓето кои живеат во близина на вода имаат предност пред другите

Научниците тврдат дека живеењето покрај река или море го подобрува менталното здравје.

Водата влијае врз човекот со намалување на нивото на стрес и вознемиреност. Исто така, охрабрува да се биде физички поактивен, покажа новата студија од Универзитетот во Глазгов Каледонијан.

Ова знаење може да биде особено важно за градовите бидејќи нивната популација страда повеќе од ментални болести. Тоа е исто така последица на загадувањето на воздухот, пренатрупаноста и недостаток на социјална поддршка.

Се претпоставува дека до 2050 година, две од три лица ќе живеат во градовите. Затоа е многу важно да се разбере што ги прави градовите добри за живот.

Значи, повеќе водни површини се еден од начините за подобрување на квалитетот на животот, намалување на загадувањето и температурата на воздухот, објавија од Светскиот економски форум (СЕФ).