Успешно направена втора трансплатација на срце во Македонија

По втор пат успешно е направена трансплатација на срце од починат донатор на Клиниката за кардиохирургија со што младо момче на 27 години доби ново донирано срце. 

Речиси пред една година во мај 2020-та беше направена првата трансплантација на срце откако семејството на Емилија Динева се согласи да ги донираат нејзините органи. 

За жал животот на една млада девојка згасна, а нејзиното семејство дало согласност за донација на органи. Во тие тешки мигови, семејството на младата девојка ја донело оваа хумана одлука – да спасат друг млад живот. Во текот на денот беше пронајден соодветен реципиент кој ќе може да го прифати срцето на починатиот донор. Изјави министерот Венко Филипче

По нешто повеќе од 3 часа по полноќ, трансплантацијата заврши успешно, а донираното срце почна да чука и му даде втор живот на младото момче.

Во 3 часот и 33 минути утринава кај 27-годишно момче зачука ново, донирано срце! Ова е втора извршена трансплантација на срце во историјата на државата, на Клиниката за кардиохирургија.

Честитки до сите колеги и благодарност до целиот тим кој во текот на целата вечер неуморно работеше! Ова е огромен успех на македонското здравство, кој немаше да биде возможен без согласноста за донирање органи од семејството на младата пациентка која прерано го загуби животот.

Горд сум на моите колеги!