Бред Пит, Хали Бери, Харисон Форд презентери на овогодинешните Оскари

Brad Pitt, Halle Berry, Harrison Ford и Reese Witherspoon се само некои од славните кои оваа година ќе учествуваат на 93-тата престижна церемонија на Оскарите, пишува People.

Оскарите годинава се закажани за 25 април, а на списокот презентери има големи имиња од актерската и модната сцена, меѓу кои: Brad Pitt, Halle Berry, Harrison Ford, Reese Witherspoon, Angela Bassett, Bong Joon Ho, Don Cheadle, Bryan Cranston, Regina King, Marlee Matlin, Rita Moreno, Zendaya.

Организаторите на церемонијата на почетокот на овој месец истакнаа дека сакаат церемонијата да изгледа колку што е можно повеќе како филм и колку што е можно помалку како телевизиско шоу.

Покрај тоа, продуцентите испратија писма до номинираните барајќи нивно физичко присуство на церемонијата. Значи, за разлика од другите церемонии на доделување награди (како БАФТА и Златни глобуси), на 25 април нема да гледаме зум разговори на актери и презентери.