Опасен тренд: Намерно се инфицираат со ковид за да патуваат

Епидемиологот и шеф на словенечката експертска група за Ковид-19, Матеја Логар предупредува дека некои граѓани на таа земја сакаат да се заразат „на кој било начин“.

Нивниот план, како што е истакнато, е да добијат потврда дека прележале ковид и придобивките што произлегуваат од тоа.

Матеја Логар посочи дека во Словенија се појавил „опасен тренд“.

„Некои граѓани сакаат да бидат заразени со коронавирус на кој било начин со цел полесно движење и патување, а се должи на фактот дека на оние кои преживеале Ковид 19 имаат имунитет еднаков на оној стекнат со вакцинација“, изјави Логар на прес-конференција.

„Тоа е многу опасна практика што дефинитивно не ја препорачуваме“, додаде Логар.

Таа најави дека поради овој тренд се размислува да бидат воведени ограничувања за патувања.