Овие 5 навики на спиење можат да ја саботираат вашата љубовна врска

Спиењето има големо влијание врз секој аспект на човечкиот живот, од чувство на раздразливост до поврзаност со рак, дијабетес, срцеви заболувања, дебелина и лошо ментално здравје.

Според експертите, спиењето игра важна улога и во успехот на вашата љубовна врска. Тие тврдат дека во креветот има цела низа лоши навики што може да значи дека сте на добар пат да раскинете.

– Навиките за спиење на паровите кажуваат многу за нивната врска. Нормално е да одите во друга просторија ако вашиот партнер постојано хрчи, но тоа станува проблем ако го избегнувате вашиот партнер со одење во друга просторија – изјави за Индепендент тренерот за врски Ана Аурет.

Меѓу другото, дека нешто не е во ред, може да значи и доколку спиете свртени со грб едни со други, што создава чувство на исклучување.

Исто така, проблем е борбата за прекривката, а експертот за врска Џо Барнет посочува дека тајната е во компромисот.

– Бидете љубезни кон потребите на вашиот партнер и барајте решение што ве задоволува и двајцата, како на пример посебни прекривки – вели Барнет.

Без оглед на каков кревет спиете, нема оправдување за јазот помеѓу вас и вашиот партнер, но ако сте се договориле со вашиот партнер да спиете така, не треба да има поголеми проблеми.

„На некои луѓе им треба само простор да се смират и да заспијат“, вели Барнет.

Поради тоа, некои може да се чувствуваат осамено, а на крајот иритирани, бидејќи нивниот партнер доаѓа на спиење на полноќ и ги буди. Во исто време, тоа би можело да биде решение за оние кои имаат потешкотии да заспијат додека некој лежи до нив или хрчи. Не е најромантично решение, но барем никој нема да биде нервозен наутро затоа што не заспал.