Најголеми лаги на секој пар: Работи што ги кажуваат апсолутно сите мажи и жени

Што мислите, што е најважно за една врска?

Многумина веруваат дека тоа е доверба.

И дека тоа е столб на секого, дури и на љубовната врска.

Сепак, дури и во врските во кои има максимална доверба, се шират некои мали лаги, кои може да се класифицираат како т.н. бели лаги.

Тие главно се изговараат за да ја подобрат врската или да придонесат за „мир во куќата“.

Овие неколку лаги ги кажуваат дури и најсреќните парови.

Изгледаш прекрасно – Да речеме дека се подготвувате да излезете и вашиот партнер ве прашува како изгледате. Факт е дека тоа го прашува од вас затоа што се грижи за вашето мислење и секако е подобро да го охрабрите со убави зборови и да потврдите дека изгледа добро, отколку да ја спуштите самодовербата!

Во право си – Кога сте сред расправија, а особено ако расправијата е бесмислена и не станува збор за нешто важно, можете да ја смирите ситуацијата за „секунда“ со тоа што ќе му кажете на вашиот партнер дека е во право. На тој начин, тој ќе разбере дека вашата цел не е да го напаѓате, па напнатоста меѓу вас ќе се намали.

Добро сум – Не треба да ги криете чувствата од партнерот, но факт е дека постојат ситуации кога вие самите не сте сигурни како се чувствувате и што чувствувате. Во такви случаи, подобро е да кажете „добро сум“, барем додека не сфатите самите како се чувствувате.