Навики поради кои се појавуваат масни наслаги на стомакот!
Дури и слабите луѓе се изложени на ризик од развој на срцеви заболувања доколку имаат вишок маснотии во пределот на стомакот. Присуството на овие масти во организмот е поврзано со ослободување на протеини кои предизвикуваат воспаление, а исто така може да ги оштети артериите и црниот дроб и да го промени начинот на кој телото го користи шеќерот и маснотиите.
Зошто го „напаѓаат“ стомакот?
- ЖИВЕЕТЕ ПОД СТРЕС
Можеби звучи како лага, но стресот е навистина „виновникот“ за гоење. Анксиозноста може да создаде вишок на кортизол, хормон кој го охрабрува телото да „складира“ маснотии. Обидете се да паузирате неколку минути по еден час работа, фокусирајте се на дишењето и опуштањето на телото.
- ПОГРЕШЕН ИЗБОР НА ХРАНА
Намалете го внесот на јаглени хидрати за да го намалите внесот на калории и шеќери кои се претвораат во маснотии. Елиминирајте ја брзата и мрсна храна целосно од вашата исхрана и јадете повеќе зеленчук, овошје и храна богата со растителни влакна. Диетата со малку влакна е една од причините за зголемување на телесната тежина.
- АЛКОХОЛ
Сам по себе, алкохолот нема маснотии, но неговата апсорпција го забавува метаболизмот, што го прави голем непријател на луѓето кои се обидуваат да внимаваат на нивната линија. Бидејќи го забавува распаѓањето на мастите, тие се депонираат во областа на желудникот, барем така научниците го поврзаа процесот.
- НЕДОСТАТОК НА АКТИВНОСТИ
Во последниве децении, луѓето стануваат помалку активни, па затоа има зголемување на бројот на дебели луѓе, вклучувајќи ја и областа околу стомакот.
Покрај класичните стомачни мускули кои ќе се грижат за рамниот абдоминален мускул, т.е. оној што учествува во одржување на исправено држење и дишење, за да постигнете резултати, треба да работите на вашите „јадрени“ мускули, односно групата мускули околу трупот и карлицата. Тие обезбедуваат стабилизација и поддршка на нашето тело, а се состојат од група стомачни и мускули на грбот и се неопходни за ротација на телото и скоро за сите движења на торзото.
- МЕНОПАУЗА
За време на менопаузата, метаболизмот на жените се забавува и тука нема помош. Масните наслаги околу половината кај жените во менопауза се одговор на организмот за пад на естрогенот. Во менопауза, се случува складирањето на масни наслаги да се движи од колковите кон пределот на половината.
